नेपाल प्रहरीका ३२ जना एसपीलाई एसएसपीमा बढुवा सिफारिस गरिएको छ । बढुवा समितिले ३२ एसपीको एकैपटक एसएसपीमा बढुवा सिफारिस गरेको हो ।

बढुवा सिफारिसको पहिलो नम्बरमा प्रहरी प्रधान कार्यालय सुरक्षा सेवा व्यवस्थापन निर्देशनालय अंगरक्षण गण नक्सालका एसपी गणेश चन्द छन् भने ३२औँ नम्बरमा शारदा प्रसाद चाैधरी छन् ।

दोस्रो नम्बरमा सिद्धिविक्रम शाह, तेस्रोमा सुशीलसिंह राठौर तथा चौथोमा उमाप्रसाद चतुरबेदीकाे नाम छ । पाँचौ नम्बरमा दानबहादुर कार्की छन् ।

बलात्कारपछि हत्या गरिएकी कञ्चनपुरककी बालिका निर्मला पन्त प्रकरणमा बर्खास्तीमा परेर पुनर्बहाली भएका एसपी दिल्लीराज बिष्ट पनि एसएसपी बढुवाको सूचीमा परेका छन् । उनको नाम १८औँ नम्बरमा छ ।