विराटनगर, ८ असार । गाउँपालिका अध्यक्षका छोराले ग्रामथान गाउँपालिको गाडी तोडफोड गरेका छन् । गाउँपालिका अध्यक्ष जयप्रकाश गच्छदारका छोरा ज्योतिले गाउँपालिकाकै गाडी तोडफोड गरेका हुन् । सो गाडी अध्यक्ष गच्छदारले प्रयोग गर्दै आएका थिए ।

ज्योतीले गाउँपालिकाको प्रदेश–१–को १ प ५७८ नम्बरको गाडी कार्यालय परिसरमै तोडफोड गरेका हुन । अध्यक्ष गच्छदारले विपक्षी नेकपा (एमाले) बाट निर्वाचित जनप्रतिनिधिहरुलाई पनि केही समितिमा समेटेर लान खोजेपछि असहमति जनाउँदै उनका छोराले गाडी तोडफोड गरेका हुन् ।

अध्यक्ष गच्छदारले छोरालेनै गाडीको सिसा फुटाएको स्वीकार गरेका छन् । उनले आफ्नै छोरा भएपनि गाडी फुटाएको विषयमा कारबाही गर्ने बताए ।