निर्वाचन आयोगले आसन्न चुनावको सम्पूर्ण तयारी पूरा भएको जनाएको छ । अधिकृत र मुख्य निर्वाचन अधिकृतको कार्यलयबाट सम्पूर्ण तयारी सकिएको आयोगले जनाएको हो ।

चुनाव हुनुअगावै ३५५ जना निर्विरोध निर्वाचित भएका छन् भने ६ वडाध्यक्षसहित ३५ जना स्वतन्त्र सदस्य समेत निर्विरोध निर्वाचित भएको आयोगले जनाएको छ ।

चुनावमा १० हजार ७ सय ५६ मतदानस्थलका २१ हजार ९ सय ५५ मतदान केन्द्रबाट १ करोड ७७ लाख ३३ हजार ७२३ मतदाताले मतदान गर्दैछन् । जम्मा ३५ हजार २२१ जनामध्ये सो संख्या निर्विरोध निर्वाचित भएको आयोगले जनाएको छ ।

मतदान केन्द्रमा आवश्यक हुने १ लाख ९ हजार ७८ जना कर्मचारी र ६५ हजार ८६५ जना स्वयसंवेकहरू आ-आफ्नो मतदान केन्द्रमा पुगिसकेको समेत आयोगले जानकारी गराएको छ ।

निर्वाचनमा भाग लिन आयोगमा निवेदन दिएका ७९ दलमध्ये जम्मा ६५ वटा दलहरू चुनावी प्रतिस्पर्धामा उत्रिएका छन् ।

५५ हजार ६९८ जना महिला र ८९ हजार ३१३ पुरुष गरी विभिन्न राजनीतिक दल र स्वतन्त्र उम्मेदवार समेत जम्मा १ लाख ४५ हजार ११ जना चुनावी प्रतिस्पर्धामा रहेका आयोगले जनाएको छ ।