आज ७३६ संक्रमित थपिए, ८४७ जना डिस्चार्ज
गत २४ घण्टामा देशभर आज ७ सय ३६ जनामा कोरोना संक्रमण पुष्टि भएको छ । योसहित संक्रमितको संख्या २ लाख ५० हजार ९ सय १६ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता...
कुवेतबाट काठमाडाैं आएका रुपन्देहीका एक युवक त्रिभुवन विमानस्थलबाट सुनसहित पक्राउ परेका छन् । २८ वर्षका ती युवक जजिरा एयरबाट मंगलबार बिहान काठमाडाैं आएका थिए ।
उनकाे साथबाट एक सय ग्राम सुन बरामद भएकाे प्रहरीले जनाएकाे छ । विमानस्थल भन्सार कार्यालयका कर्मचारीले चेकजाँच गर्ने क्रममा उनले ल्याएको मिक्सरको भित्री भागमा फल्स बटम बनाई करिब १०० ग्राम सुन बाहिर कालो टेपले बेरेर ल्याएको अवस्थामा फेला पारेपछि पक्राउ गरिएकाे हाे ।
भन्सार ऐन, २०६४ तथा आर्थिक ऐन, २०७८ अनुसार विदेशबाट नेपाल आउने नेपाली यात्रुले अधिकतम १०० ग्रामसम्म काँचो सुन लिएर आउँदा भन्सार कार्यालयमा घोषणा गरी भन्सार राजस्व तिरेर ल्याउन पाउने कानुनी व्यवस्था छ ।
त्यसरी राजस्व तिर्दा १०० ग्राम सुनको १ लाख ५ सय ६५ रुपैयाँ राजस्व तिर्नुपर्ने हुन्थ्यो । तर ती युवकले भन्सार राजस्व छलेर सुन लुकाएर ल्याएका पाइएकाे प्रहरीले जनाएकाे छ ।
भन्सार राजस्व छलेर सुन आयात गर्दा भन्सार कार्यालयले प्रचलित कानुन बमोजिम त्यस्तो सुन जफत गर्नुको साथै बजार मूल्य बराबर जरिवाना र कैद सजाय समेत गर्ने व्यवस्था छ ।
