विराटनगरमा ५ सहित प्रदेश १ मा ६८ जनामा कोरोना संक्रमण - News Birat

विराटनगरमा ५ सहित प्रदेश १ मा ६८ जनामा कोरोना संक्रमण

न्यूज विराट

विराटनगर, ६ फागुन । प्रदेश १ मा पछिल्लो २४ घण्टामा ६८ जनामा कोरोना संक्रमण भएको छ । ३७४ जनाको पीसीआर परीक्षण गर्दा ३४ र ४१५ जनाको एन्टीजेन परीक्षण गर्दा ३४ जनामा संक्रमण देखिएको सामाजिक विकास मन्त्रालयले जनाएको छ ।

मन्त्रालयका अनुसार पीसीआर परीक्षणका आधारमा मोरङमा १३, झापामा ६, सुनसरीमा ५, उदयपुरमा ४, खोटाङ र पाँचथरमा १–१ र प्रदेश १ बाहिरका ४ जनामा संक्रमण देखिएको हो । मोरङको विराटनगर र बुढीगंगामा ५–५, सुन्दरहरैचा, केराबारी र रतुवामाईमा १–१, झापाको कनकाईमा ३, दमक, भद्रपुर र मेचीनगरमा १–१, सुनसरीको इटहरीमा ३, रामधुनी र बराहक्षेत्रमा १–१, उदयपुरको बेलका, त्रियुगा, चौदण्डीगढी र कटारीमा १–१, खोटाङको दिप्रुङ र पाँचथरको फिदिममा १–१ र प्रदेश १ बाहिरका ४ जनामा संक्रमण देखिएको मन्त्रालयले जनाएको छ ।

प्रदेश १ मा आज १२५ जना कोरोना संक्रमणमुक्त भएका छन् । संक्रमणमुक्त हुनेमा ६४ महिला र ६१ पुरुष रहेका छन् । सक्रिय संक्रमितको संख्या १ हजार २११ रहेको सामाजिक विकास मन्त्रालयले जनाएको छ ।

 

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles