प्रमुख प्रतिपक्षी दल नेकपा एमालेको विद्यार्थी संगठन अनेरास्ववियुका कार्यकर्ताले सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीलाई कालो झण्डा देखाएका छन् । 

मंगलबार बिहान ललितपुरको पुलचोकमा सञ्चारमन्त्री कार्कीलाई बाटो छेकेरै अनेरास्ववियुका कार्यकर्ताहरूले कालो झण्डा देखाएका हुन् । स्थानीय तह निर्वाचनको मिति घोषणा गर्न माग गर्दै उनीहरूले मन्त्री कार्कीका अगाडि नाराबाजी गरेका थिए । 

अनेरास्ववियुकी अध्यक्ष सुनिता बरालले सरकारले स्थानीय तहको निर्वाचनको मिति घोषणा गर्न ढिलाइ गरेकाले त्यसको विरोधमा सरकारका प्रवक्ता कार्कीलाई कालो झण्डा देखाइएको बताइन् ।