विराटनगर, १५ माघ । सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा कोरोना संक्रमणका कारण एक बृद्धा महिलाको मृत्यु भएको छ । शुक्रबार कोरोना पोजिटिभ देखिएकी सुनसरीको धरान उपमहानरपालिकाकी ७६ वर्षीया बृद्धा महिलाको प्रतिष्ठानमा उपचारका क्रममा मृत्यु भएको हो ।

कोरोना संक्रमण पुष्टि भएपछि प्रतिष्ठानको कोभिड अस्पतालमा भर्ना गरि उपचार सुरु गरिएकोमा उनको उपचारकै क्रममा आज बिहान १ बजेतिर मृत्यु भएको बीपी कोइराला स्वास्थ्य विज्ञान प्रतिष्ठानका सह—प्रवक्ता चुरामणी पोखरेलले जानकारी दिए ।

पोखरेलका अनुसार मृतक बृद्धा महिलाले कोरोना भाइरसविरुद्धको खोप समेत लगाएकी थिइन् । उनी मधुमेहको दिर्घरोगी रहेको सह—प्रवक्ता पोखरेलले जानकारी दिए ।

मृतकको शव व्यवस्थापन नियम अनुसार गरिने प्रतिष्ठानले जनाएको छ ।