एकै दिन १८ हजारभन्दा बढीको परीक्षण, थपिए ४३६४ संक्रमित
काठमाडौं, २२ असोज-नेपालमा आज ४ हजार ३ सय ६४ जना कोरोना संक्रमित थपिएका छन् । १८ हजार ४ सय ७३ को पीसीआर गर्दा आज देशभर ४ हजार ३ सय ६४ जना संक्रमित थपिएका हुन् ।...
विराटनगर, १० पुस । पाँच दलीय गठबन्धन नेतृत्वको प्रदेश १ सरकारले न्यूनतम साझा कार्यक्रम घोषणा गरेको छ । शनिबार गठबन्धनले न्यूनतम साझा कार्यक्रम घोषणा गरेको हो ।
अघिल्लो सरकारले अनुत्पादक क्षेत्रमा खर्च गर्नका लागि छुट्याएको बजेट तथा योजना कटौतिको प्रस्ताव गर्दै गठबन्धनले न्यूतम साझा कार्यक्रम सार्वजनिक गरेको हो ।
नेपाली कांग्रेसका सांसद शेखरचन्द्र थापाको नेतृत्वमा गठित कार्यदलले सरकारको अल्पकालीन तथा दीर्घकालीन योजनाहरू समेटेर न्यूनतम साझा कार्यक्रमको मस्यौदा तयार पारेको थियो । त्यसलाई अन्तिम रुप दिँदै पाँच दलीय गठबन्धनले न्यूनतम साझा कार्यक्रम सार्वजनिक गरेको हो ।
गठबन्धनमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र संघीय लोकतान्त्रिक राष्ट्रिय मञ्च आबद्ध छन् ।
न्यूनतम साझा कार्यक्रमलाई आधार मानेर सरकार चलाउने र नीति तथा कार्यक्रम बनाउने मुख्यमन्त्री राजेन्द्र राईले बताए । उनले पाँच दलीय गठबन्धनको साझा कार्यक्रममार्फत प्रदेश सरकारका काम कारबाही अघि बढाइने समेत बताए ।
