विराटनगर, १ पुस । विराटगरमा पार्किङ गरेर राखेको स्कुटी चोरी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा विराटनगर–१२ का २२ वर्षीय गणेश कुमार राम रहेका छन् ।

बुधबार राति साढे सात बजेतिर विराटनगर–१२ पटुवारी टोल स्थित पार्किङ गरी राखेको सृजना पन्तको को २९ प ६६०० नम्बरको स्कुटर चोरी गरी लाँदै गरेको अवस्थामा रामलाई पक्राउ गरिएको जिल्ला प्रहरी कार्यालय मोरङका प्रहरी नायव उपरिक्षक दिपक श्रेष्ठले जानकारी दिए ।

पक्राउ परेका रामलाई जिल्ला अदालत मोरङबाट चोरी कसूरमा पाँच दिन म्याद थप गरी थप अनुसन्धान भइरहेको जनाइएको छ ।