प्रदेश खेलकुद विकास बोर्डको उपाध्यक्षमा जीना कार्की नियुक्त - News Birat

प्रदेश खेलकुद विकास बोर्डको उपाध्यक्षमा जीना कार्की नियुक्त

न्यूज विराट

विराटनगर, २२ चैत्र । अघिल्लो सरकारले नियुक्त गरेका प्रदेश खेलकुद विकास बोर्डका पदाधिकारी हटाएको प्रदेश १ सरकारले नयाँ पदाधिकारी नियुक्त गरेको छ । आज मन्त्रिपरिषद् आज बसेको बैठकले प्रदेश खेलकुद विकास बोर्डका पदाधिकारी नियुक्त गर्ने निर्णय गरेको हो ।

मन्त्रिपरिषद् बैठकले प्रदेश खेलकुद विकास बोर्डको उपाध्यक्षमा विराटनगरकी जीना कार्की र सदस्य सचिवमा ओखलढुंगाका हंशराज वाग्लेलाई नियुक्त गर्ने निर्णय गरेको सरकारका प्रवक्ता एवम् यातायात व्यवस्था तथा सञ्चार मन्त्री उपेन्द्रप्रसाद घिमिरले जानकारी दिए ।

सोमबार मात्र तत्कालिन मुख्यमन्त्री भीम आचार्य नेतृत्वको सरकारले नियुक्त गरेका बोर्डका उपाध्यक्ष बाबा मेन्याङ्बो र सदस्य सचिव कृष्ण (पर्शुराम) बस्नेतलाई हटाउने निर्णय गरेको थियो ।

बोर्डका पदाधिकारीले सन्तोषजनक काम गर्न नसकेको भन्दै सरकारले हटाएको हो । मन्त्रीपरिषद बैठकले बैठकले केही आयोजनाहरूलाई राष्ट्रिय प्राथमिकताका आयोजनाका रुपमा तोक्ने निर्णयसमेत गरेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles