नेकपा एमालेको दशौँ राष्ट्रिय महाधिवेशनका लागि देशभरबाट नेता, कार्यकर्ताहरू चितवन ओइरिन थालेका छन् । भोलि उद्घाटन हुने भए पनि देशका विभिन्न जिल्लाबाट महाधिवेशन प्रतिनिधि लगायत अन्य सहभागीहरू सौराहा पुग्ने क्रम चलिरहेको हो ।

सौराहास्थित एमाले महाधिवेशन उद्घाटन स्थलमा कार्यकर्ताहरू जम्मा हुन थालेका हुन् । ४५ लाख रुपैयाँ खर्च गरेर नारायणी नदी तटमा सानदार मञ्च बनाइएको छ ।

मञ्च निर्माणको काम अन्तिम चरणमा पुगेको निर्माणको जिम्मा लिएका राजकुमार पटेलले जानकारी दिए ।उद्घाटन समारोहमा पाँच लाख मानिस उतार्ने दाबी एमालेले गरेको छ । महाधिवेशनलाई लक्षित गर्दै सुरक्षाका लागि ठूलाे संख्यामा प्रहरी परिचालन भएका छन् ।