विराटनगर, २५ असोज । नेकपा (एमाले) को विद्यार्थी संगठन अनेरास्ववियुल प्रदेश नं. १ मा कार्यालय खोलेको छ । अनेरास्ववियुकी अध्यक्ष सुनिता बरालले विराटनगरमा स्थापना गरिएको प्रदेश कार्यालयको आज उद्घाटन गरिन् ।

कार्यालयको उद्घाटनपछि शुभकामना आदानप्रदान कार्यक्रम पनि भएको थियो । उक्त कार्यक्रममा मुख्यमन्त्री भीम आचार्य, पूर्वमन्त्री भानुभक्त ढकाल, एमाले केन्द्रीय सदस्य हिक्मत कार्की, एमाले प्रदेश १ का सचिव विनोद ढकाललगायतको उपस्थिति थियो । कार्यक्रममा विद्यार्थी नेताहरू पनि सहभागी थिए ।