विराटनगर, १० असोज । मोरङको बेलबारीमा एक जना मजदुर मृत फेला परेका छन् । बेलबारी नगरपालिका वडा नं ९ जनता माविको भवन निर्माण गर्न भारतबाट ल्याइएका एक मजदुर ओछ्यानमै मृत भेटिएका हुन् ।

मोरङका प्रहरी प्रमुख एसपी जनार्दन जीसीले ३५ वर्षीय भारतीय नागरिक रामानन्द विश्वास मृत भेटिएको बताउनुभयो । मृत फेला परेका विश्वास साथीहरूसँगै खाना खाएर सुतेका थिए ।

उनी ओछ्यानमै मृत्यु भएको अवस्थामा भेटिएका थिए । उनको मृत्युको कारण भने खुल्न सकेको छैन । शव पोस्टमार्टमका पठाएर थप अनुसन्धान थालिएको प्रहरीले जनाएको छ ।