विराटनगर, २ असोज । विभिन्न मुद्धामा अदालतबाट कैद तथा जरिवाना ठहर भएका फरार ११ जनालाई प्रहरीले पक्राउ गरेको छ ।

मोरङ जिल्ला अदालतको २०७० साल पुष १४ गतेको फैसलाले सवारी ज्यान मुद्दा र २०७३ साल असार १२ गतेको को फैसलाले कुटपिट लुटपाट मुद्दामा कैद तथा जरिवाना ठहर भएर फरार रहेका मोरङको रंगेली र सुनवर्षीका ११ जनालाई प्रहरीले पक्राउ गरेको हो ।

इलाका प्रहरी कार्यालय रंगेलीबाट खटिएको प्रहरी टोलीले पक्राउ गरी सम्मानित मोरङ जिल्ला अदालतमा बुझाएको हो । पक्राउ पर्नेमा सवारी ज्यान मुद्धाका रंगेली नगरपालिका वडा नं.–२ विवियाविर्ता का ३५ को सत्यलाल उराव रहेका छन् ।

त्यस्तै कुटपिट तथा लुटपाटमा संलग्न सुनवर्षी नगरपालिका–६ का ५३ वर्षीय रमेश भुजेल, सोही ठाउँका २३ वर्षीय सुरज भुजेल, ५८ वर्षीय उसमान मिया, २८ वर्षीय रमजान मिया, ४८ वर्षीया अन्जु खातुन, ४८ वर्षीय उवारन खातुन, ३० वर्षीय अव्वास मिया, २७ वर्षीय फुच्चे मिया, ३१ वर्षीय कैलु मिया र ३५ वर्षीय साहजवि खातुन रहेका छन् ।