परोपकार अभियान समूह विराटनगरद्वारा तीन जना सम्मानित - News Birat

परोपकार अभियान समूह विराटनगरद्वारा तीन जना सम्मानित

न्यूज विराट

विराटनगर, ७ चैत । परोपकार अभियान समूह विराटनगरले तीन जनालाई सम्मान गरेको छ । परोपकार अभियान समूहको १४ औं बार्षिक साधारणसभाका अवसरमा शनिबार विराटनगरमा तीन जनालाई सम्मान गरेको हो ।

सम्मानित हुनेहरूमा उपभोक्ताको हक हितमा लामोसमयदेखि काम गरिरहनु भएका अभियन्ता कृष्णप्रसाद भण्डारी मार्सेली, पूर्वाञ्चल बालसेवा आश्रमकी संञ्चालक सीता पोखरेल र मायाको घर आश्रम इटहरीकी राधीका दासी रहेका छन् ।

मार्सेली र पोखरेललाई परोपकार सम्मान र दासीलाई ११ हजार १ सय ११ रुपैयाँ नगद राशीको शंकर जानुका पोखरेल सम्मानबाट सम्मानित गरिएको थियो । सम्मानितहरूलाई पूर्व अर्थमन्त्री शंकरप्रसाद कोइरालाले दोसल्ला र सम्मानपत्र नगदराशीले सम्मानित गरेका थिए ।

कार्यक्रममा प्रमुख अतिथि पूर्व अर्थमन्त्री शंकरप्रसाद कोइराला, पुरस्कृत व्यक्तित्वहरू सीता पोखरेल, राधिका दासी, डिभिजन वन कार्यालय मोरङका प्रमुख अनिरुद्र साहलगायतले शुभकामना मन्तव्य राखेका थिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles