विराटनगर, १ भदौ । विराटनगर–१३ स्थित ट्राइकोट इण्डस्ट्रिज प्रा. लि. का प्रमख कार्यकारी अधिकृत सञ्जय चाण्डोकलाई प्रहरीले पक्राउ गरेको छ ।

तयारी पोशक उत्पादन गर्ने सो उद्योगका प्रमख कार्यकारी अधिकृत चाण्डोकलाई प्रहरीले महिला मजदुरमाथि दुव्र्यबहार गरेको आरोपमा पक्राउ गरेको हो ।

उद्योगमा कार्यरत श्रमिकहरूले प्रमुख कार्यकारी अधिकृत चाण्डकले महिला मजदुरहरूलाई यौन दुव्र्यवहार गर्नुको साथै पुरूष श्रमिकहरूलाई कामबाट निकाल्ने धम्कि दिने गरेको पीडित मजदुरहरुले आरोप लगाएका छन् ।

इलाका प्रहरी कार्यालय रानी विराटनगरका प्रहरी निरीक्षक प्रकाश राउतसहित मोरङ प्रहरीबाट खटिएको थप प्रहरी फोर्सले चाण्डकलाई प्रहरीले पक्राउ गरेको हो ।

पक्राउ परेका चाण्डकलाई जिल्ला प्रहरी कार्यालय ल्याइएको मोरङ प्रहरी प्रमुख प्रहरी उपरिक्षक जनार्दन जिसीले जानकारी दिए ।