काठमाडौं, १ भदौ । प्रदेश नम्बर २ को प्रदेश प्रमुखमा हरिशंकर मिश्र नियुक्त भएका छन् ।

मन्त्रिपरिषद्को सिफारिसमा मंगलबार राष्ट्रपति विद्यादेवी भण्डारीले मिश्रलाई प्रदेश प्रमुखमा नियुक्त गरेकी हुन् ।

यसअघि सोमबार बसेको मन्त्रिपरिषद् बैठकले प्रदेश २ का प्रदेश प्रमुख राजेश झालाई बर्खास्त गर्दै मिश्रलाई  प्रदेश प्रमुख नियुक्त गर्न राष्ट्रपतिसमक्ष सिफारिस गर्ने निर्णय गरेको थियो ।

प्रदेश प्रमुखमा नियुक्ति मिश्र नेपाली कांग्रेस महोत्तरीका पुराना नेता हुन् । कांग्रेसका पूर्वकेन्द्रीय सदस्य मिश्र महोत्तरबाट २०४८ सालमा सांसदमा निर्वाचित भएका थिए ।