काठमाडौं, साउन २६ । अरुलाई लोकतन्त्र र संसदीय व्यवस्थाको पाठ सिकाउने नेपाली कांग्रेसले लुम्बिनी प्रदेशमा सांसद् पदकै उपहास गरेको छ । माओवादी, जसपा र जनमोर्चासँग मिलेर कांग्रेसले आफ्नै सांसद्लाई रिसोर्टमा बन्धक बनाएर राखेको छ । शंकर पोखरेल नेतृत्वको एमाले सरकारलाई गिराउने प्रयासमा जुटेको विपक्षी गठबन्धनले सांसद्लाई जोगाउन भन्दै सबै सांसद्लाई रिसोर्टमा थुनेर राखेको छ ।

विपक्षी गठबन्धनमा नेपाली कांग्रेसका १९ र माओवादी केन्द्रका १८ जना सांसद् छन् । त्यस्तै जनता समाजवादी पार्टीका तीन र राष्ट्रिय जनमोर्चाका एक जना सांसद् छन् । एमालेले प्रदेश प्रमुखले अहिले आह्वान गरेको बैठक र अविश्वास प्रस्ताव गैरसंवैधानिक भएको बताउँदै आएको छ । त्यसका विरुद्ध सर्वोच्च अदालतमा रिट समेत दायर भएको छ ।