काठमाडौं, १६ असार । अब पुँजी बजारमा सरकारले पनि चासो देखाएको छ । उच्च विन्दुमा पुगेर फर्किएको बजारलाई आफ्नै लयमा फर्काउन अर्थमन्त्री विष्णु पौडेलले चासो देखाएका हुन् ।

पुँजी बजारले देशको अर्थतन्त्रमा पनि ठुलो प्रभाव पार्छ । पुँजी बजारले सरकारलाई पानि धेरै फाइदा पुग्दछ । पछिल्लो केही दिन कारोबार रकम झण्डै २ं० अर्ब माथि पुगेको देखिएको छ । त्यसबाट प्राप्त राजश्वबाट सरकारलाई राम्रो आम्दानी भएको देखिन्छ ।
अन्य देश जस्तै नेपाल सरकारले पनि पुँजी बजारमा ध्यान दिन एकदमै जरुरी देखिएको छ । अन्य देशमा सरकारको दोस्रो प्रथामिकता पुँजी बजार भएपनि नेपालमा यस्तो छैन ।

तर, अब सरकारले पनि चासो देखाएपछि केही राम्रो हुने सवैले अपेक्षा गरेका छन् । पछिल्लो केहीदिन यता कारोबार रकम र बजार घटेको छ तर यो अषाढ मसान्तको क्लोजिङ र सानो करेक्सन मात्र भएको विज्ञहरुको भनाई छ ।

अर्थ मन्त्रालयका सहसचिव दीर्घराज मैनालीले नेपाल स्टक एक्सचेन्ज (नेप्से) को अध्यक्षमा नियुक्ति भएसँगै सेयर बजार फस्टाउने अनुमान गरिएको छ । नेप्सेका तत्कालीन अध्यक्ष पदभार सम्हालेका लक्ष्मण न्यौपानेको पदावधि सकिएपछि रिक्त पदमा मैनाली नियुक्ति भएका थिए । मैनालीको प्रवेशसँगै पछिल्लो समय लगातार ओरालो लागेको नेप्सेमा सुधार आउने आशा गरिएको छ । उनी सेयर बजारप्रति निकै सकारात्मक देखिएका छन् । मैनालीको आगमनले धितोपत्रको दोस्रो बजार तथा समग्र पुँजी बजारको उन्नति हुने शेयर बजारका प्रयोगकर्ताहरुले अनुमान गरेका छन्।

अब छिट्टै पुँजी बजार आफ्नै लयमा फर्किने सवैको अपेक्षा छ । पछिल्ला केही दिनमा पुँजी बजारको भविष्य नेपालमा राम्रो हुने भएकाले राम्रा राम्रा कम्पनीहरु छानेर लगानी गर्न लगानी कर्ताहरुलाई विज्ञ विष्णु बयलले बताएका छन् उनले धितोपत्रको दोस्रो बजार तथा समग्र पुँजी बजारको उन्नतिका लागि आफू प्रतिबद्ध रहेको बताए । ‘पुँजी बजारमार्फत मुलुकको आर्थिक विकासमा पुर्याउन सकिने योगदानका सन्दर्भमा नेप्से सञ्चालक समितिका अनुभवी सदस्यहरु तथा व्यवस्थापनबाट आवश्यक सहयोग प्राप्त हुने अपेक्षा मैले राखेको छु’, उनले भने ।