काठमाडौं, जेठ १०-देशभर आज ७ हजार १३५ संक्रमित निको भएका छन् । यससँगै नेपालमा हालसम्म संक्रमणमुक्त हुनेहरुको संख्या ३ लाख ९८ हजार ४८३ पुगेको छ । अहिलेसम्म नेपालमा ५ लाख २० हजार ४६१ जनालाई संक्रमण पुष्टि भएको छ भने ६ हजार ५३१ जनाको मृत्यु भएको छ ।

पछिल्लो २४ घण्टामा देशभर ७ हजार ४२५ जनालाई संक्रमण पुष्टि भएको छ भने १८५ संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट १९ हजार ८४६ र एन्टिजेन विधिबाट ६०७ जनाको परीक्षण गर्दा ७ हजार ४२५ जनामा संक्रमण पुष्टि भएको हो । अहिले १ लाख १५ हजार ४४७ जना संक्रमित आइसोलेसनमा छन् ।