रतुवामाइमा सहिदको नाममा अर्जुन स्मृति प्रतिष्ठान
विराटनगर । मोरङको रतुवामाइ नगरपालिका – ५ मा राम चन्द्र सोरेन अर्जुन स्मृति प्रतिष्ठानको भवन निमार्णको काम सुरु भएको छ । चालु आर्थिक वर्षमा काम सकिने गरी उक्त भवनको शिलन्यास बिहीबार भएको हो । सो...
विराटनगर, २ जेठ । कोरोना भाइरसको संक्रमणका कारण नेकपा एमालेका युवा नेता नवराज शंकरको निधन भएको छ । नेकपा एमाले इलामका कार्यालय सचिव र एमालेको जनवर्गीय संगठन नेपाल उत्पीडित जातीय मुक्ति समाजका केन्द्रीय सदस्य रहेका ३६ वर्षीय शंकरको मोरङको बुढीगंगा गाउँपालिकास्थित विराट शिक्षण अस्पतालमा उपचारका क्रममा आइतबार विहान निधन भएको हो ।
एक साताअघि कोरोना पुष्टि भएपछि उनी होम आइसोलेसनमा बसेका थिए । तर, स्वास्थ्यमा समस्या भएपछि उपचारका लागि अस्पताल भर्ना गरिएका शंकरको उपचारकै क्रममा मृत्यु भएको विराट शिक्षण अस्पतालले जनाएको छ ।
युवा नेता शंकर राजनीतिसँगै सामाजिक अभियान र र दलित आन्दोलनमा समेत सकृय थिए । शंकर उत्पीडित अधिकार मञ्च इलामका अध्यक्ष समेत थिए । उनले दलित अधिकारका सवालमा पैरवी समेत गर्दै आएका थिए । उनका श्रीमती र १५ महिनाकी एक छोरी छन् ।
