रौतहटको चन्द्रनिगाहपुरमा पूर्वमन्त्री सवार गाडीको ठक्करबाट साइकल यात्री घाइते भएका छन् । रौैतहटको चन्द्रनिगाहपुर पूर्व-पश्चिम राजमार्गअन्तर्गत सिभिल हस्पिटलनजिकै भएको दुर्घटनामा चन्द्रपुर—६ का ५५ वर्षीय इन्द्रप्रसाद घिमिरे घाइते भएका हुन् । पूर्वपर्यटनमन्त्री योगेश भट्टराई सवार ज १ झ ४२७ नम्बरकोे गाडीले घिमिरेलाई ठक्कर दिएकोे होे । मन्त्री भट्टराई पूर्वतर्फबाट हेटौँडातिर जाँदै थिए ।

घाइते घिमिरेकोे सिभिल अस्पताल चन्द्रनिगाहपुरमा प्राथमिक उपचारपश्चात थप उपचारका लागि काठमाडौं रिफर गरिएको सिभिल हस्पिटलले जनाएको छ । ठक्कर दिइएको गाडी र चालक इलाका प्रहरी कार्यालय चन्द्रनिगाहपुरकोे नियन्त्रणमा रहेका छन् ।