सपना मगरलाई ज्यान मार्ने धम्की दिने विनयजंग बस्नेत पक्राउ - News Birat

सपना मगरलाई ज्यान मार्ने धम्की दिने विनयजंग बस्नेत पक्राउ

न्यूज विराट

काठमाडौंमा बेवारिसे शव व्यवस्थापन गर्ने विनयजंग बस्नेत पक्राउ परेका छन् । बीबीसीको प्रतिभाशाली १०० महिलाको सूचीमा परेकी सपना रोका मगरलाई ज्यान मार्ने धम्की दिएको आरोपमा बस्नेतलाई मंगलबार प्रहरीले पक्राउ गरेको हो ।

बस्नेतलाई काठमाडौंको नयाँ बसपार्कबाट पक्राउ गरिएको काठमाडौं महानगरीय प्रहरी परिसरका प्रमुख एसएसपी अशोक सिंहले जानकारी दिए ।

बस्नेतविरुद्ध सपनाले अभद्र व्यवहार गरेको तथा ज्यान मार्ने धम्की दिएको भन्दै आइतबार आइतबार काठमाडौं महानगरीय प्रहरी परिसरमा जाहेरी दिएकी थिइन् ।

बस्नेतले युट्युब च्यानलमा अन्तर्वार्ता दिँदै सपनाका नग्न तस्वीर आफूसँग पेन ड्राइभमा सुरक्षित रहेको र कुनै बेला सार्वजनिक गरिदिने धम्की दिँदै आएका थिए ।

उजुरी दिएपछि सपनाले आइतबार नै गृहमन्त्री रामबहादुर थापालाई भेटी बस्नेतले आफूलाई ज्यान मार्ने धम्की दिएको भन्दै शान्ति सुरक्षाको व्यवस्था मिलाइदिन आग्रह गरेकी हुन् ।

सपनाले आफ्नो गाली बेइज्जती गर्दै केही समयदेखि मानसिक यातना दिएको, चोरीको आरोप लगाएर केही समयदेखि मानसिक यातना दिएकाले बस्नेतमाथि कारबाही गर्न पनि सपनाले गृहमन्त्री थापासँग माग गरेकी थिइन् । सपनाले बस्नेतसँगै मिलेर बेवारिसे शव जलाउने काम गर्थिन् ।  सपना र बस्नेतबीच पछिल्लो समय भने सम्बन्धमा तिक्तता आएको थियो । बस्नेतसँग मिलेर शव जलाउने काम गर्ने सपना बीबीसीको १०० जना प्रतिभाशाली महिलाको सूचीमा समेत परेकी थिइन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles