काठमाडौं, २५ मंसिर-स्थानीय बजारमा आज पहेँलो धातुको मूल्य प्रतितोला ९ सय रुपैयाँले ओरालो लागेको छ । आज छापावाला सुनको मूल्य प्रतितोला ९२ हजार ५ सय रुपैयाँ तोकिएको छ । बुधबार छापावाला सुन प्रतितोला ९३ हजार ४ सयमा कारोबार भएको थियो ।

यस्तै, तेजाबी सुनसमेत प्रतितोला ९ सयले ओरालो लागेको छ । बुधबार प्रतितोला ९२ हजार ९ सय ५० मा कारोबार भएको तेजाबी सुन आज भने प्रतितोला ९२ हजार ५० मा कारोबार गर्ने गरी मूल्य निर्धारण गरिएको छ ।

यस्तै, चाँदीको मूल्य प्रतितोला १५ रुपैयाँले घटेको छ । बुधबार प्रतितोला १ हजार २ सय१५ मा कारोबार भएको चाँदी आजका लागि भने प्रतितोला १ हजार २ सयमा कारोबार गर्ने गरी मूल्य निर्धारण गरिएको नेपाल सुनचाँदी व्यवसायी महासंघले जनाएको छ । रासस