काठमाडौं, २० मंसिर-नेकपाको सचिवालय बैठक सुरु भएको छ । प्रधानमन्त्रीको सरकारी निवास बालुवाटारमा नेकपा सचिवालय बैठक सुरु भएको अध्यक्ष पुष्पकमल दाहाल प्रचण्डका प्रेस सल्लाहकार विष्णु सापकोटाले जानकारी दिए ।

पार्टी सचिवालय बैठक सुरु भएको र अध्यक्ष केपी शर्मा ओलीलगायत सबै नेताहरू बैठकमा सहभागी भएको प्रधानमन्त्रीका प्रेस सल्लाहकार सूर्य थापाले जानकारी दिए । बैठक सुरु हुनुपूर्व नेकपाका अध्यक्षद्वय ओली र प्रचण्डबीच बालुवाटारमा एक्लाएक्लै भेटवार्ता भएको थियो ।

भेटवार्तापछि ओली आजको बैठकमा आउन तयार भएका हुन् । २५ दिनको सम्वादहिनतालाई तोड्दै उनीहरूले छलफल गरेका हुन् । २५ कात्तिकयता उनीहरूबीच भेटवार्ता भएको थिएन ।

आजको सचिवालय बैठकमा ओली र प्रचण्डका दुवै प्रतिवेदनमाथि छलफल हुने बताइएको छ । २८ कात्तिकमा प्रचण्डले १३ मंसिरमा ओलीले सचिवालय बैठकमा प्रतिवेदन पेस गरेका थिए । त्यसकै तयारीका लागि दुवै अध्यक्षबीच भेटवार्ता भएको हो ।