विराटनगर, ६ मंसिर–पछिल्लो २४ घण्टामा प्रदेश १ बाट ३ सय ६८ जना डिस्चार्ज भएका छन् । होम आईसोलेसनबाट ३ सय ६५ र न्युरो अस्पताल विराटनगरबाट तीन जना डिस्चार्ज भएका हुन । हालसम्म डिस्चार्ज हुनेको संख्या २० हजार ५ सय ८८ पुगेको छ । प्रदेश १ मा शनिबार एक सय ३५ जना कोरोना संक्रमित थपिएका छन् । मोरङमा ६८, झापामा ५४, सुनसरीमा छ, इलाम र धनकुटामा तीन÷तीन र पाँचथरमा एक जनामा संक्रमण देखिएको सामाजिक विकास मन्त्रालयले जनाएको छ ।

मोरङको विराटनगरमा ५०, बुढीगंगामा ३, कानेपोखरी, बेलबारी र लेटाङमा दुई÷दुई, ग्रामथान, उर्लाबारी, धनपालथान, पथरीशनिश्चरे, केराबारी र कटहरीमा एक÷एक, स्थानीय तह नखुलेका तीन, झापाको कनकाईमा १२, भद्रपुरमा ११, विर्तामोडमा १०, अर्जुनधारामा पाँच, मेचीनगरमा चार, शिवसताक्षीमा दुई, गौरादह, बुद्धशान्ति र झापा गाउँपालिकामा एक÷एक, र स्थानीय तह नखुलेका सात जनाको रिपोर्ट पोजिटिभ आएको छ । उता सुनसरीको इटहरीमा दुई, इनरुवा, बराहक्षेत्र, गढी र रामधुनीमा एक÷एक, इलामको इलाम नगरपालिकामा दुई, माईजोगमाईमा एक, धनकुटाको धनकुटा नगरपालिकामा तीन र पाँचथरको फिदिममा एक जनामा संक्रमण देखिएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या २५ हजार ७६ पुगेको छ ।

प्रदेश १ मा शनिबार चार सय ७० जनाको पीसीआर परीक्षण गरिएको छ । परीक्षण गरिएका मध्ये ६७ महिला र ६८ पुरुषको रिपोर्ट पोजिटिभ आएको हो । हालसम्म १ लाख ८२ हजार ६ सय ७ जनाको पीसीआर परीक्षण गरिएको मन्त्रालयले जनाएको छ ।