शुक्रबार कोरोना पोजिटिभ देखिएपछि प्रतिष्ठानको कोभिड अस्पतालमा भर्ना गरेर उपचार सुरु गरिएकोमा शनिबार बिहान ४ बजेर ३० मिनेटमा मृत्यु भएको प्रतिष्ठानका सहप्रवक्ता डा.आशिष श्रेष्ठले जानकारी दिए ।

त्यस्तै न्यूरो अस्पताल विराटनगरको कोभिड १९ अस्पतालमा तीनजना कोरोना संक्रमितको मृत्यु भएको छ । मोरङका दुईजना र झापाका एकजनाको मृत्यु भएको हो ।

अस्पताल प्रशासनका अनुसार ग्रामथान गाउँपालिका–१ का ५२ वर्षीय पुरुष, मिक्लाजुङ गाउँपालिका– ९ का ६८ वर्षीय र झापाको गौरादह गाउँपालिका ४ का ७० वर्षीय पुरुषको शुक्रबार बेलुका मृत्यु भएको हो ।

२३ कात्तिकमा कोरोना पोजिटिभ देखिएका ग्रामथान गाउँपालिका–१ का पुरुष २४ कात्तिकमा अस्पताल भर्ना भएका थिए । उच्च ज्वरो र खोकीको समस्या भएका उनको शुक्रबार बेलुका सवा ५ बजे मृत्यु भएको हो ।

२७ कात्तिकमा कोरोना पोजिटिभ देखिएका मिक्लाजुङका पुरुष सोही दिन अस्पताल भर्ना भएका थिए । ज्वरो र रुघाखोकीको समस्या भएका उनले शुक्रबार साँझ साँढे ५ बजे मृत्यु भएको हो ।

झापाका पुरुष २५ कात्तिकमा अस्पताल भर्ना भएका थिए । उनलाई सोही दिन कोरोना पोजिटिभ देखिएको थियो । उपचारका क्रममा शुक्रबार बेलुका ८ बजे मृत्यु भएको अस्पतालले जनाएको छ ।