काठमाडौं, २८ कात्तिक-लामो विवाद र रस्साकस्सीपछि शुक्रबार बसेको नेकपा सचिवालय बैठकमा कार्यकारी अध्यक्ष पुष्पकमल दाहाल प्रचण्डले २२ पेज लामाे राजनीतिक प्रतिवेदन पेस गरेका छन् ।

सो प्रतिवेदनमा पार्टीभित्रका अन्तरविरोध र विवाद समाधानबारे उल्लेख गरिएको बताइएको छ । प्रचण्डले पेस गरेको प्रतिवेदनलाई अध्ययन गरेर आउँदो ३ मंसिरमा बस्ने बैठकमा छलफल गर्ने तय भएको पार्टी स्रोतले बतायो ।

सबै सचिवालय सदस्यलाई वितरण गरेका छन् । प्रधानमन्त्री एवं अध्यक्ष केपी शर्मा ओलीले  २७ कात्तिकमा आफूलाई पठाएको पत्रको जवाफसमेत त्यसैमा समेटिएको अध्यक्ष प्रचण्डले बैठकमा बताएका छन् ।

प्रचण्ड–माधव नेपाल समूहका नेताहरूसँग बसेर अध्यक्ष प्रचण्डले प्रतिवेदन तयार पारेकाे खुमलटार स्राेतले बतायाे । बैठकमा पेस प्रतिवेदनमा उनले सचिवालयका बहुमत सदस्यकाे सहमति लिएका थिए ।