विराटनगर, १९ कात्तिक–प्रदेश १ मा पछिल्लो २४ घण्टामा ३ सय ४ जना कोरोना संक्रमित थपिएका छन् । मोरङमा १ सय ५५, सुनसरीमा ९८, झापामा २३, पाँचथरमा १४, उदयपुरमा तीन, धनकुटा र इलाममा दुई÷दुई र प्रदेश १ बाहिरका सात जना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा १ सय ११ जनामा संक्रमण देखिएको छ । संक्रमण पुष्टि भएकोमा ४६ महिला र ६५ पुरुष रहेका छन् । मोरङको रतुवामाईमा १४, मिक्लाजुङ र बेलबारीमा सात÷सात, उर्लाबारी र ग्रामथानमा तीन÷तीन, कटहरीमा दुई, रंगेली, पथरीशनिश्चरे र बुढीगंगामा एक÷एक, र स्थानीय तह नखुलेका ५ जनाको रिपोर्ट पोजेटिभ आएको छ । सुनसरीको धरानमा ७७, इटहरीमा १४, इनरुवामा दुई, देवानगञ्ज, दुहवी, बर्जु, बराहक्षेत्र र स्थानीय तह नखुलेका एक÷एक जनाको रिपोर्ट पोजिटिभ आएको मन्त्रालयले जनाएको छ ।

उता झापाको दमकमा १०, विर्तामोड र गौरादहमा चार÷चार, अर्जुनधारा, मेचीनगर र कनकाईमा एक÷एक र स्थानीय तह नखुलेका दुई , पाँचथरको फिदिममा ११, हिलिहाङ, मिक्लाजुङ र स्थानीय तह नखुलेका एक÷एक, उदयपुरको बेलकामा एक र स्थानीय तह नखुलेका दुई, धनकुटाको धनकुटा नगरपालिकामा दुई, इलामको चुलाचुली र स्थानीय तह नखुलेका एक÷एक र प्रदेश १ बाहिरका सात जनामा संक्रमण देखिएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या २० हजार ४ सय १ पुगेको छ ।

प्रदेश १ मा बुधबार ४ सय २२ जना डिस्चार्ज भएका छन् । होमआईसोलेसनबाट २ सय ३४, बीपी कोइराला स्वास्थ्य विज्ञान प्रतिष्ठान धरानबाट ७१, विराट मेडिकल कलेजबाट ४१, कोशी अस्पताल कोभिड १९ उपचार केन्द्रबाट १२, कालि सदन आईसोलेसन, र बैजनाथपुर आईसोलेसनबाट सात÷सात, नोवेल अस्पताल र बेलबारी आईसोलेसनबाट छ÷छ, धाईजन आईसोलेसन केन्द्र र न्युरो अस्पतालबाट चार÷चार, जिल्ला अस्पताल संखुवासभा र मारवाडी सेवा सदन आईसोलेसनबाट तीन÷तीन, कोभिड १९ आईसोलेसन अस्पताल, कोभिड १९ आईसोलेसन केन्द्र रंगेली र मेची अस्पतालबाट दुई÷दुई, इलाम अस्पताल, कोभिड १९ आईसोलेसन केन्द्र, चौदण्डीगढी, जिल्ला अस्पताल धनकुटा र वि जेनरल अस्पताल हरिनगरबाट एक÷एक जना डिस्चार्ज भएका हुन । हालसम्म डिस्चार्ज हुनेको संख्या १२ हजार १ सय १ पुगेको छ । प्रदेश १ मा आज १ हजार १ सय ९८ जनाको पीसीआर परीक्षण गरिएको छ । परीक्षण गरिएका मध्ये १ सय २३ महिला र १ सय ८१ पुरुषको रिपोर्ट पाजिटिभ आएको हो । हालसम्म १ लाख ६४ हजार ६४० जनाको पीसीआर परीक्षण गरिएको सामाजिक विकास मन्त्रालयले जनाएको छ।