प्रतिष्ठानको कोभिड अस्पतालमा २९ असोजमा कोरोना पोजिटिभ देखिएका झापा शिवगढी- ११ का ५६ वर्षीय पुरुषको शुक्रबार साँझ ७:४५ बजे मृत्यु भएको हो ।

त्यस्तै, शुक्रबार साँझ ७:१५ बजे धरान- १५ का ६५ वर्षीय पुरुषको पनि मृत्यु भएको छ । प्रतिष्ठानका सहप्रवक्ता आशिष श्रेष्ठका अनुसार २८ असाेजमा कोरोना पुष्टि भएका मृतक पुरुषको कोभिड अस्पतालमा उपचारका क्रममा मृत्यु भएको हो ।

योसँगै प्रदेश-१ मा कोरोना संक्रमणबाट मृत्यु हुनेको संख्या १ सय २६ पुगेको छ । जसमध्ये १६ जना प्रदेश १ बाहिरका रहेको सामाजिक विकास मन्त्रालयले जनाएको छ ।