उनका अनुसार आज थपिएका संक्रमितसँगै देशभर कुल संक्रमितको संख्या १ लाख ११ हजार ८ सय २ पुगेको छ । देशभर सक्रिय संक्रमितको संख्या ३३ हजार ८ सय ८० रहेको छ । १३ हजार ९ सय २३ जना संस्थागत आइसोलेसनमा छन् भने १९ हजार ९ सय ५७ जना होम आइसोलेसनमा छन् ।

पछिल्लो २४ घण्टाको अवधिमा १ हजार ४ सय ७३ जना संक्रमित निको भएर घर फर्किएका छन् । अहिलेसम्म निको हुनेको संख्या ७७ हजार २ सय ७७ पुगेको मन्त्रालयको तथ्यांक छ ।

पछिल्लो २४ घण्टामा १४ हजार ५ सय ३० जनाको पीसीआर परीक्षण गरिएको र अहिलेसम्म ११ लाख ९१ हजार ५ सय १४ जनाको पीसीआर परीक्षण गरिएको मन्त्रालयको तथ्यांक छ । देशभर ४ हजार ८ सय ३१ जना क्वारेन्टाइनमा छन् ।