अस्पतालमा २७ वर्षदेखि कार्यरत कार्यालय सहयोगी विकास नेपालीको हातबाट जुस पिएर केसीले अनशन तोडेका हुन् । विकास काेराेना जितेका व्यक्ति पनि हुन् । अनशन तोडेपछि डा. केसीलाई आईसीयूमा लगिएको छ । केही दिन उनको अस्पतालमै उपचार हुने बताइएको छ ।

६ बुँदे माग राखेका केसीको यो १९ औँ अनशन हो । जुम्लाबाट अनशन सुरु गरे पनि स्वास्थ्यमा समस्या भएपछि उनलाई काठमाडौं ल्याइएको थियो । बिहीबारदेखि शिक्षा सचिव गोपीनाथ मैनाली नेतृत्वको सरकारी वार्ता टोलीले पटक पटक छलफल गरेपछि शनिबार राति सहमति जुटाएको थियो ।