साझा प्रस्तावका लागि भोलि १ बजेसम्म नेकपा बैठक लम्ब्याइयो - News Birat

साझा प्रस्तावका लागि भोलि १ बजेसम्म नेकपा बैठक लम्ब्याइयो

न्यूज विराट

काठमाडौं, १६ मंसिर-सत्तारूढ दल नेपाल कम्युनिस्ट पार्टी (नेकपा) को सचिवालयको बैठक भोलि १ बजे बस्ने गरी सकिको छ । मंगलबारको बेठकमा पनि अध्यक्षद्वयबाट साझा प्रस्ताव ल्याउनेबारे सहमति जुट्न सकेन । आजको बैठकमा अध्यक्षद्वयले आ-आफ्नो धारणा राखेको पार्टी प्रवक्ता नारायणकाजी श्रेष्ठले जानकारी दिए । अन्य सदस्यहरूले पनि सामान्य रूपमा आफ्नो धारणा राखेको थिए ।

‘अध्यक्षद्वयको प्रस्तावमाथि छलफल सुरु भएको छ । छलफल सकिएको छैन । अनौपचारिक छलफल पनि बढाउनु पर्ने बैठकले निष्कर्ष निकालेको छ । सम्वादका प्रक्रिया अगाडि बढाइने छ’ प्रवक्ता श्रेष्ठले भने । पार्टीको संकटको चुरो कारणका विषयमा गम्भीर छलफल गर्ने कार्य अझै बाँकी रहेको उनले बताए । साझा प्रस्तावका बारेमा बैठक सकिएपछि निष्कर्ष निकाल्ने उनले बताए ।

अध्यक्षद्वयलाई आफ्ना प्रस्तावमाथि समीक्षा गर्दै संयुक्त प्रस्ताव ल्याउन केही सदस्यहरूले आग्रह गरेका छन् । सोहीअनुसार आवश्यक छलफल गरी साझा प्रस्तावका लागि पहल गर्न बैठक भोलि बुधबार १ बजेसम्म लम्ब्याइएको हो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles