दार्चुलाको छाङ्गरुमा निर्माण हुन लागेको सशस्त्र प्रहरी बलको गुल्मको भवन १० करोड लागतमा बन्नेछ । गृहमन्त्री थापा सँगै सशस्त्र प्रहरी प्रमुख आईजीपी शैलेन्द्र खनाल र गृहसचिव महेश्वर न्यौपाने पनि दार्चुला प्रस्थान गरेका छन् ।

उनीहरु काठमाडौंबाट नेपाली सेनाको स्काइ ट्रकमा बिहान ९ बजे सुर्खेत प्रस्थान गरेका हुन् । त्यहाँबाट सेनाकै हेलिकप्टरमा दार्चुलाको छाङ्गरु जाने कार्यक्रम छ ।

गृहमन्त्री थापाले गुल्मको शिलान्याससँगै सो क्षेत्रको अनुगमन समेत गर्नेछन् । गत २९ असारमा बसेको मन्त्रिपरिषद बैठकले सदरमुकाम खलंगामा रहेको सशस्त्र प्रहरी बल नेपाल नम्बर ५० गुल्म हेडक्वार्टरलाई व्यास गाउँपालिका १ छाङरुस्थित गागामा सार्ने निर्णय गरेको थियो ।