आज थपिएका संक्रमितसँगै देशभर कुल संक्रमितको संख्या ६५ हजार नाघेको छ । आजसम्म ६५ हजार २ सय ७६ जनामा संक्रमण पुष्टि भएको छ । संक्रमण पुष्टि भएकामध्ये १७ हजार ६ सय ११ सक्रिय संक्रमित रहेका छन् । संस्थागत आइसोलेसनमा ८ हजार ९ सय २१ जना छन् भने ८ हजार ६ सय ९० जना होम आइसोलेसनमा रहेका छन् ।

पछिल्लो २४ घण्टाको अवधिमा १ हजार ५ जना संक्रमित निको भएर घर फर्किएका छन् । अहिलेसम्म निको हुनेको संख्या ४७ हजार २ सय ४८ पुगेको मन्त्रालयको तथ्यांक छ ।

पछिल्लो २४ घण्टामा ९ हजार ५ सय ३३ जनाको पीसीआर परीक्षण गरिएको र अहिलेसम्म ९ लाख २३ हजार ८ सय २३ जनाको पीसीआर परीक्षण गरिएको मन्त्रालयको तथ्यांक रहेको छ । देशभर ७ हजार ४ सय ३ जना क्वारेन्टाइनमा छन् ।