विराटनगर । उद्योगी व्यवसायीहरुको समस्या समाधानका सन्दर्भमा मोरङ व्यापार संघले छलफल गरेको छ । आइतबार मोरङ व्यापार संघ र नेपाल उद्योग परिसंघ, कोशी प्रदेशले संयुक्त रुपमा उद्योग, वाणिज्य तथा आपूर्ती मन्त्रालयका सचिव मुकुन्द प्रसाद निरौलासँग छलफल गरेको हो ।
कार्यक्रमका प्रमुख अतिथि उद्योग, वाणिज्य तथा आपूर्ती मन्त्रालयका सचिव निरौला समक्ष संघका अध्यक्ष एवं नेपाल उद्योग वाणिज्य महासंघका केन्द्रीय सदस्य नवीन रिजालले उद्योगी व्यवसायीहरुको विद्यमान समस्याहरु जानकारी गराउँदै समाधानका लागि सुझावहरु पेश गरेका थिए ।
संघका महासचिव अनिल सारडाले संचालन गरेको कार्यक्रममा अध्यक्ष रिजालसहित नेपाल उद्योग परिसंघ कोशी प्रदेशका अध्यक्ष पवन कुमार सारडा, नेपाल उद्योग परिसंघका केन्द्रीय उपाध्यक्ष भीम घिमिरे, संघका निवर्तमान अध्यक्ष प्रकाश मून्दडा, उद्योग संगठन मोरङका अध्यक्ष राकेश सुराना, गुणस्तर तथा नापतौल कार्यालय विराटनगरका कार्यालय प्रमुख शम्भु कुमार झा तिन वटै संघ–संस्थाका पदाधिकारीहरु, कार्यसमिति सदयहरु, महिला उद्यमीहरु, युवा उद्यमीहरु लगायतको उपस्थिति रहेको थियो ।