विराटनगर, ४ असोज–प्रदेश एक मा पछिल्लो २४ घण्टामा ७९ जना कोरोना संक्रमित थपिएका छन् । मोरमा ५७, सुनसरीमा ११, झापामा चार, पाँचथरमा एक र प्रदेश एक बाहिरका छ जना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा ३८ जनामा संक्रमण देखिएको छ । संक्रमण देखिएकामा १३ महिला र २५ पुरुष छन् । मोरङको कटहरीमा पाँच महिला तीन पुरुष, बुढीगंगामा पाँच, रंगेलीमा चार, जहदा र सुन्दरहरैचामा एक÷एक पुरुष, सुनसरीको दुहवीमा तीन महिला चार पुरुष, बर्जुमा एक महिला, स्थानीय तह नखुलेका दुई महिला एक पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ । उता झापाको अर्जुनधारामा तीन पुरुष, कनकाईमा एक महिला, पाँचथरको फिदिमका एक पुरुष, प्रदेश एक बाहिरका चार ४ महिला दुई पुरुषको रिपोर्ट पोजेटिभ आएको छ । प्रदेश एक मा कोरोना संक्रमितको संख्या पाँच हजार पाँच सय ७४ पुगेको छ ।

प्रदेश १ मा आइतबार ३० जना डिस्चार्ज भएका छन् । सुनसरी बराहक्षेत्रको रमानान्द आचार्य सेवा पीठ आईसोलेसनबाट १९, होम आईसोलेसनबाट नौ, वि.जनरल अस्पताल हरिनगरबाट एक र इनरुवा आईसोलेसनबाट एक जना डिस्चार्ज भएको सामाजिक विकास मन्त्रालयले जनाएको छ ।

प्रदेश १ मा डिस्चार्ज हुनेको संख्या दुई हजार पाँच सय ३५ पुगेका छन् । प्रदेश १ मा आइतबार पाँच सय ५३ जनाको पीसीआर परीक्षण गरिएको छ । परीक्षण गरिएका मध्ये २७ महिला र ५२ पुरुष को रिपोर्ट पोजेटिभ आएको छ । मन्त्रालयका अनुसार हालसम्म प्रदेश एकमा १ लाख १५ हजार ५७६ जनाको पीसीआर परीक्षण गरिएको छ ।