उनको मत्यु भइसकेपछि कोरोना रिपोर्ट पोजिटिभ आएको अस्पतालका आइसोलेसन इन्चार्ज सुनिल देवले जानकारी दिए । ज्वरो आउने र श्वासप्रश्वासमा समस्या देखिएपछि ती पुरुषलाई ३० भदौमा अस्पताल भर्ना गरिएको थियो ।

कोरोनाको आशंकामा तत्काल आइसोलेसनमा भर्ना गरेर पीसीआर परीक्षणका लागि स्वाब विराटनगरस्थित कोसी अस्पतालको प्रयोगशालामा पठाइएको थियो । वृद्ध श्वासप्रश्वास र मिर्गौलासम्बन्धी समस्याका दीर्घरोगी रहेको जनाइएको छ । अस्पतालका अनुसार मृतक पुरुषको घर सप्तरी भए पनि उनी २ वर्षदेखि विराटनगरमा बस्दै आएका थिए । योसँगै प्रदेश १ मा कोरोना संक्रमणबाट मृत्यु हुनेको संख्या ५४ पुगेको छ । जसमध्ये १४ जना प्रदेश १ बाहिरका हुन् ।