शनिश्चरे । केही दिनअघि कुशलबजार पूर्व पिप्ले खोलामा पुल निर्माण गर्न भागवत पासवानको अध्यक्षतामा एक निर्माण उपभोक्ता समिति गठन भयो । पूर्व सभासद लालबहादुर सुस्लिङ, वडाध्यक्ष गोविन्दबहादुर भण्डारी, वडासदस्य खड्गबहादुर मगरलगायतको उपस्थितिमा रविन मगर सचिव रहने गरी ९ सदस्यीय समिति चयन गरेको हो ।
पिप्ले खोलामा पुल निर्माणका लागि पथरीशनिश्चरे वडा नं. ४ ले आर्थिक वर्ष २०७५÷७६ को वजेटबाट २४ लाख रुपैयाँ छुट्याएको थियो । सोही भेलाले पूर्व सभासद लालबहादुर सुस्लिङको संयोजकत्वमा ५ सदस्यीय अनुगमन समिति समेत गठन गरेको थियो ।
पुल निर्माणका लागि वडाले विनियोजन गरेको २४ लाख रुपैयाँ पर्याप्त नभएकोले बाँकी ४ लाख रुपैयाँ नगरसंगको सहकार्यमा सम्पन्न गर्ने लक्ष लिइएको वडाध्यक्ष भण्डारीले बताए । यस्तै उक्त पुल निर्माण भएपछि साप्ताहिक रुपमा लाग्ने पथरीशनिश्चरेकै सबैभन्दा ठूलो पशु बजार कुशल बजारलाई मद्दत पुग्ने उनको भनाई छ ।
यस्तै, प्रगतिटोल राजकुमारी माझीको घरछेउबाट भविन्द्र थापाको घरहुँदै दक्षिण जाने बाटो स्तरोन्नतिका लागि घमण्डबहादुुर ठकुरीको अध्यक्षतामा अर्को निर्माण उपभोक्ता समिति गठन भएको छ । जसमा नेत्रबहादुर कार्की सचिव, हिमादेवी बस्नेत थापा कोषाध्यक्ष रहने गरी ९ सदस्यीय निर्माण उपभोक्ता समिति गठन भएको हो । उक्त कामको अनुगमन तथा मूल्यांकनका लागि भविन्द्र थापा संयोजक रहने गरी तीन सदस्यीय अनुगमन समिति समेत चयन गरिएको छ । सो बाटो स्तरोन्नतिका लागि वडाबाट ३ लाख रुपैयाँ विनियोजन भएको छ ।
सोही भेलाले स्थानीय सामुदायिक महिला भवनको अधुरो काम सम्पन्न गर्न भोलानाथ रिजालको अध्यक्षतामा निर्माण उपभोक्ता समिति चयन गरेको थियो । समितिको उपाध्यक्षमा पुष्पराज दाहाल, सचिवमा खगेन्द्रप्रसाद गौतम, कोषाध्यक्ष मीना गौतम चयन भएका छन् ।
उक्त सामुदायिक महिला भवन निर्माणका लागि वडाले ५ लाख रुपैयाँ विनियोजन गरेको थियो ।
एकै दिन दुईवटा योजना शिलान्याश
वडाध्यक्ष गोविन्दबहादुर भण्डारीले शनिबार दुईवटा योजनाको शिलान्यास गरेका छन् । जसमा राधाकृष्ण मन्दिरदेखि दक्षिण सख्वारा जाने बाटोमा कल्भर्ट निर्माणको काम सुरु भएको छ । वडाले विनियोजन गरेको ३ लाख ५० हजार रुपैयाँबाट निर्माण हुन लागेको कल्भर्टको वडाध्यक्ष गोविन्दबहादुर भण्डारीले सिलान्याश गरेका हुन् । उक्त कल्भर्ट निर्माणका लागि महेश कार्कीको अध्यक्षतामा उपभोक्ता समिति गठन भएको छ ।
सोही दिन वडाध्यक्ष भण्डारीले सिरिसेडाँडाबाट सिरिजंगा चोक जोड्ने करिव एक किलोमिटर बाटो स्तरोन्नती गर्ने कामको शिलान्यास गरेका छन् । बाटो मर्मत र ग्राभेल गर्नका लागि वडाबाट ४ लाख रुपैयाँ विनियोजन भएको वडाध्यक्ष भण्डारीले जानकारी दिए । भण्डारीले उक्त बाटो स्तरोन्नती भएपछि पथरीशनिश्चरेकै पुरानो किर्तिपुर बजारसम्म आवत जावत गर्न सहज हुने बताए ।
विराटनगर । विराटनगरमा जारी १२ औं संस्करणको हिसान स्पोर्ट्स मिटको फाइनलमा आधा दर्जन कलेज पुगेका छन् । आइतबार भएको खेलमा शिक्षादिप, विकेभिएम, कान्तिपुर, अरनिको, सिद्धार्थ र मोडर्न एरा कलेज फाइनलमा पुगेको हो ।विराटनगरको वैजनाथपुरको क्रिकेट...
विराटनगर, २९ असोज–प्रदेश १ मा पछिल्लो २४ घण्टामा ९ जनाको कोरोना संक्रमणबाट मृत्यु भएको छ । सुनसरीमा पाँच, मोरङ र तेह्रथुममा दुई÷दुई जनाको कोरोना संक्रमणबाट मृत्यु भएको सामाजिक विकास मन्त्रालयले जनाएको छ । हालसम्म संक्रमणबाट...
विराटनगर, २२ फागुन । सुनसरी दुहबी नगरपालिका ८ बस्ने ६५ बर्षीया जगबती चौधरीको एम्बुलेन्सको ठक्करबाट मृत्यु भएको छ । मंगलबार साँझ ६ बजे सोनापुर चौक स्थित कोशी राजमार्गमा प्रदेश १-०२-००२च३८४८ नम्बरको एम्बुलेन्सले चौधरीलाई बाटो क्रस...
विराटनगर । कोशी प्रदेश खारेजीको माग राख्दै आन्दोलनमा उत्रिएका किरात राई यायोख्खा केन्द्रीय अध्यक्ष जिवन हताजु राई पनि पक्राउ परेका छन् । मोरङ प्रहरीले उनलाई विराटनगरको देबकोटा चौकमा रहेको एक होटलमा चिया खाएर बाहिर निस्किएपछि...
कोभिड–१९को सम्भावित जोखिम हुन नदिन यही चैत ११ गतेदेखि मुलुकभर ‘लकडाउन’ जारी रहेको छ । यसले गर्दा अत्यावश्यक सेवाबाहेकका अन्य सेवा, यातायात र हिँडडुलमा कडाइ गरिएको छ । प्रमुख प्रतिपक्षी दल नेपाली काँग्रेसका अधिकांश नेता...
काठमाडौं, २८ भदौ-अध्यागमन विभागबाट विदेशी नागरिकलाई दिइँदै आएको राहदानीसम्बन्धी सेवा एक महिनापछि पुनः सञ्चालन भएको छ । विभागमा कार्यरत कर्मचारीमा कोरोना भाइरस संक्रमण पुष्टि भएसँगै गत २६ साउनमा बन्द भएको सेवा आजदेखि सुरु भएको हो...
सुनसरी, २८ साउन । अख्तियार दुरुपयोग अनुसन्धान आयोगले सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा छापा मारेको छ । अख्तियार दुरुपयोग अनुसन्धान आयोगको केन्द्रीय कार्यालय र इटहरीस्थित क्षेत्रीय कार्यालयबाट खटिएको ६ जनाको टोलीले बिहीबार प्रतिष्ठानमा...
काठमाडौँ, असार ३० । पश्चिम रुकुमको सोती घटना भएको एक वर्ष मात्रै वितेको उक्त घटनामा जाजरकोटका नवराज विकसहित ६ जनाको विभत्स हुँदा संघीय संसदमा माओवादी नेता जनार्दन शर्माले बोल्नुभएको थियो । रुकुमको सोतीमा दलितका कारण...
हामीलाई पछ्याउनुहोस्
© 2019-2023 Copyright Birat Times Pvt. Ltd. | All Rights Reserved, Design & Develop By: Indesign Media Pvt. Ltd.