पार्टी र सरकार संचालनका खाकासहित अध्यक्षद्वयले पेस गरेको १५ बुँदे प्रस्ताव स्थायी कमिटीले सर्वसम्मत पारित गरेकाे छ । ‘अध्यक्षद्वयद्वारा प्रस्तुत प्रस्ताव सर्वसम्मतिले पारित गर्दै पार्टी स्थायी कमिटीको बैठक आज बेलुका ४:०५ बजे उत्साहका साथ सम्पन्न भएको छ’ प्रधानमन्त्रीका प्रेस सल्लाहकार सूर्य थापाले सामाजिक सञ्जाल ट्विटरमा उल्लेख गरे‍का छन्, ‘असार १० गते शुरू भएकाे याे बैठकले अनेक माेड र घुम्ती पार गरेर निष्कर्षमा एकता, समझदारी र सर्वसम्मति कायम गरेकाे छ ।’