प्रदेश- १ मा २ हजार ६ सय ७९, प्रदेश- २ मा ८ हजार ७ सय ९७, बागमतीमा ४ हजार १ सय ५० र गण्डकी प्रदेशमा १ हजार ८ सय ४१ जना संक्रमित डिस्चार्ज भएका छन् । यस्तै, प्रदेश ५ मा ५ हजार ४ सय ८१, कर्णालीमा २ हजार ३ सय ४९ र सुदूरपश्चिममा ५ हजार ३ सय ८० जना संक्रमणमुक्त भएको छन्

आज देशका विभिन्न प्रयोगशालामा भएको परीक्षणमा नेपालमा ९ सय ७९ जनामा कोरोना संक्रमण देखिएको प्रवक्ता डा. गौतमले बताए । आज पीसीआर विधिबाट ९ हजार २ सय १८ परीक्षण भएको छ । आजसम्म देशभरी संक्रमितको संख्या ४७ हजार २३६ पुगेको छ ।

त्यस्तै, देशभरी सक्रिय संक्रमितको संख्या १६ हजार २ सय ५९ जना रहेको छ । संस्थागत आइसोलेसनमा प्रदेश- १ मा ७ सय ३१, प्रदेश- २ मा ४ सय ८२, बागमती प्रदेशमा ४ हजार ८ सय ४० र गण्डकी प्रदेशमा ८ सय ३६ जना संक्रमित उपचाररत रहेका छन् ।

यस्तै, प्रदेश ५ मा १ हजार ९७, कर्णाली प्रदेशमा ३ सय ३६ र सुदूरपश्चिम प्रदेशमा ७ सय ४७ गरी देशभरी संस्थागत आइसोलेसनमा ९ हजार ६९ जना संक्रमित उपचाररत् रहेका छन ।

यस्तै, होम आइसोलेसनमा प्रदेश- १ मा ७ सय ९०, प्रदेश- २ मा ३ हजार, बागमतीमा २ हजार ३ सय ३४ र गण्डकीमा १ सय जना रहेका छन् । यस्तै, प्रदेश ५ मा ८ सय ७, कर्णाली प्रदेशमा ४० र सुदूरपश्चिम प्रदेशमा १ सय १९ जना गरी देशभरी होम आइसालेसनमा ७ हजार १ सय ९० जना संक्रमित उपचाररत् रहेका छन । आज आईसीयुमा १ सय ७१ जना संक्रमित उपचाररत रहेका छन् । यस्तै, भेन्टिलेटरमा २० जना संक्रमित उपचाररत रहेको मन्त्रालयले जनाएको छ । आज क्वारेन्टाइनमा ४ हजार ७ सय ३९ जना रहेका छन् । मत्रालयका अनुसार कोरोना संक्रमणबाट थप ११ जनाको मृत्यु भएसँगै नेपालमा मृतकको संख्या ३ सय पुगेको हो ।