विराटनगर, २२ भदौ–कोरोना भाइरसको संक्रमणबाट मोरङमा थप २ जनाको मृत्यु भएको छ । एक जनाको आइतबार र एक जनाको सोमबार विहान मृत्यु भएको हो । विराटनगरस्थित कोशी अस्पताल अन्तर्गतको कोभिड–१९ उपचार केन्द्रमा विराटनगर महानगरपालिका–१० का ७६ वर्षीय पुरुषको सोमबार बिहान ३ः१५ बजे उपचारको क्रममा मृत्यु भएको हो ।

वृद्धमा भदौ ११ गने संक्रमण पुष्टि भएको थियो । वृद्ध ‘होम आइसोलेसन’मा बसिरहेकोमा स्वास्थ्यमा समस्या भएकोले शनिबार अस्पताल भर्ना भएकोमा उपचारका क्रममा मृत्यु भएको कोशी अस्पतालका मेडिकल सुपरिटेन्डेन्ट डा.चुमनलाल दासले जानकारी दिए । उनका अनुसार मृतकमा उच्च रक्तचापको पुरानै समस्या थियो ।

त्यस्तै मोरङको टंकीसिनुवारीस्थित विराट मेडिकल कलेजमा उपचारर बुढीगंगा गाउँपालिका– ४ का ५२ वर्षीय पुरुषको समेत उपचारको क्रममा मृत्यु छ । मृतक पुरुष भदौ १९ गते अस्पताल भर्ना भएका थिए । उपचारका क्रममा उनको आइतबार दिउँसो साढे ३ बजे मृत्यु भएको विराट मेडिकल कलेजका कोभिड फोकल पर्सन डा.पुरु कोइरालाले जानकारी दिए ।

मृत्युपछि कोरोना जाँच रिपोर्ट पोजेटिभ आएका उनमा उच्च रक्तचाप र मधुमेहको समस्या रहेको अस्पतालले जनाएको छ । मृतक पुरुषमा निमोनियाको पनि समस्या देखिएको थियो । योसगै विराटनगरमा कोरोनाबाट मृत्यु हुनेको संख्या १५ जना पुगेको छ । प्रदेशमा ४३ जनाले कोरोना संक्रमणका कारणज्यान गुमाइसकेका छन् ।