विराटनगर, १८ भदौ–सुनसरीमा बिहीबार११ सैनिकसहित थप २४ जनामा कोरोना भाइरसको संक्रमण पुष्टि भएको छ । धरान उपमहानगरपालिकाका १९ जना, बर्जु गाउँपालिकामा २ जना, इटहरी उपमहानगरपालिकामा २ जना र भोक्राहा गाउँपालिकामा १ जनामा कोरोना देखिएको जिल्ला स्वास्थ्य कार्यालय सुनसरीले जनाएको छ ।

धरानमा पछिल्लो संक्रमण देखिएकामध्ये ११ जना सैनिक हुन् । फुस्रेस्थित आर्मी क्याम्पका ११ जना सैनिकहरुमा संक्रमण पुष्टि भएको धरान नगरपालिकाको स्वास्थ्य शाखाले जनाएको छ ।

धरानमा संक्रमण पुष्टि भएका अन्य ५ जना विदामा घर आएका भारतीय सैनिक हुन् । यस्तै, धरान ११ की एक ५७ बर्षीय महिला, धरान १६ की ३३ बर्षीया महिला र धरान १७ की २२ बर्षीया युवतीमा पनि संक्रमण पुष्टि भएको छ ।

योसँगै सुनसरीमा कोरोना सङ्क्रमितको कुल सङ्ख्या ८ सय ५२ पुगेको छ । संक्रमितमध्ये ३९४ जना कोरोनामुक्त भइसकेका छन् भने ६ जनाको मृत्यु भएको छ । जिल्लाम ४५२ जना सक्रिय संक्रमित छन् ।