रोटरीद्धारा जेष्ठनागरिकहरुलाई खाद्यान्न र लत्ताकपडा वितरण - News Birat

रोटरीद्धारा जेष्ठनागरिकहरुलाई खाद्यान्न र लत्ताकपडा वितरण

न्यूज विराट

विराटनगर, १७ भदौ–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले जेष्ठ नागरिकहरुका लागि खाद्यान्न र लत्ताकपडा वितरण गरेको छ । विराटनगर आशोक चोक स्थित विराटेश्वर बृद्धाश्रममा आश्रित ६० जना जेष्ठ नागरिकहरुका लागि खाद्यान्न र लत्ताकपडा वितरण गरेको हो ।

कोरोना भाइरस संक्रमण रोकथाम तथा नियन्त्रणका लागि विभिन्न निकायसँगको सहकार्यका काम गर्दै आएको र शिक्षा, स्वास्थ्य तथा वातावरणका क्षेत्रमासमेत योगदान पुर्याउँदै आएको सो क्लबले एक कार्यक्रमकाबीच बुधबार सो आश्रममा आश्रित जेष्ठ नागरिकहरुलाई खाद्यान्न तथा लत्ता कपडा वितरण गरेको क्लबकी सचिव गिरिजा सारडाले जानकारी दिइन ।

आश्रमका जेष्ठ नागरिकहरुका लागि बुधबार एक कार्यक्रममका बिच खाद्यान्न र लत्ता कपडा क्लबका अध्यक्ष दिप्ती अग्रवाल, सचिव गिरिजा सारडा, क्लबका निवर्तमान अध्यक्ष अर्चना तापडिया लगायतले आश्रमका अध्यक्ष जगत अर्याललाई हस्तान्तरण गरे ।

यस अघि केही दिन अघि मात्र क्लबले विभिन्न निकायलाई १० हजार थान मास्क, बखरी प्रहरी चौकमीमा कार्यरत प्रहरीका लागि १५ सेट मास्क, स्यानिटाइजर, फेस शिल्ड र बखरीका स्थानीउलाई ५० थान मास्क र स्यानिटाइजर वितरण गरेको थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles