त्यस्तै, पर्साको वीरगञ्ज महानगरपालिका–१२ का ४८ वर्षीय, वीरगञ्ज–२२ का ३७ वर्षीय र वीरगञ्ज–१२ का ६५ वर्षीया १ महिला गरी ७ जनाको कोरोना संक्रमणका कारण मृत्यु भएको हो । यो प्रदेशबाट अहिलेसम्म कोरोनाको संक्रमणबाट ८४ जनाको मृत्यु भइसकेको छ ।

सोही अवधिमा धनुषामा ४९, महोत्तरीमा २७, सर्लाहीमा ४५, रौतहटमा एक, बारामा नौ र पर्सामा ३४ गरी १६५ जना थपिएका छन् । यस प्रदेशमा अब संक्रमितको संख्या ९ हजार ७९५ पुगेको छ । सोमध्ये आज ४ महिला गरी ८७ उपचार गराइ  निको भएर घर फर्केका छन् । अब उपचार गराइ निको भएर घर फर्केनेको संख्या चार हजार ७५५ पुगेको छ ।

यस प्रदेशअन्तर्गतका १९६ क्वारेन्टाइनमा ७५० जना बसेका छन् भने होम क्वारेन्टाइनमा १  हजार ६४३, आइसोलेसनमा १ हजार ७४ र होम आइसोलेसनमा ३ हजार ९०२ जना रहेको सो मन्त्रालयले जनाएको छ । – रासस