विराटनगर, साउन ३०-प्रदेश १ मा उपचारका क्रमा मृत्यु भएका युवकमा कोरोना पुष्टि भएको छ । कोशी अस्पताल विराटनगरमा उपचारका क्रममा मृत्यु भएका ३० वर्षीय युवकमा कोरोना पुष्टि भएको हो

विराटनगर महानगरपालिका-१५ का ३० वर्षीय पुरुषको मृत्युपछि कोराना पुष्टि भएको अस्पतालका प्रमुख मेडिकल सुपरिटेण्डेन्ट डाक्टर चुमनलाल दासले जानकारी दिए ।

ज्वरो आएर बिहीबार मध्यान्ह अस्पताल पुगेका उनको दिउँसो ४ बजे मृत्यु भएको थियो । मृत्युपछि पीसीआर गर्दा नतिजा पोजिटिभ आएको मेसु दासले बताए ।  कोशी अस्पतालमा हिजो नै सिराहका ४० वर्षीय कोरोना संक्रमित युवकको पनि मृत्यु भएको थियो ।