विराटनगर, साउन १९–नेपाल कम्युनिष्ट पार्टी (नेकपा) का केन्द्रीय सदस्य तथा सांसद शिवकुमार मण्डलले भारतले अतिक्रमण गरेको लिपुलेक–लिम्पियाधुरासहितको भुभाग समेटेर नक्सा जारी गर्न अन्य नेताहरुको पनि महत्वपूर्ण भुमिका रहेको बताएका छन् ।

प्रचण्ड पक्षिय नेताका रुपमा चिनिएका मण्डलले प्रतिनिधिसभाबाट अतिक्रमित भुभाग समेटेर नक्सा पास गरि जारि गर्न पार्टीका अर्का अध्यक्ष पुष्पकमल दाहाल र वरिष्ठ नेता माधवकुमार नेपालको पनि महत्वपूर्ण भुमिका रहेको बताएका हुन् ।

उनले नक्सा जारी गर्दा पार्टीका सवै नेता कार्यकर्ताको महत्वपूर्ण भुमिका रहेको बताए । नेता मण्डलले पार्टीको विधि र पद्धति विपरित प्रधानमन्त्री केपी शर्मा ओली चल्न खोजेकाले दवै पदबाट राजिनामा मागिएको बताए । ‘पार्टीको विधि र प्रकया मिचेर प्रधानमन्त्रीले काम गरेपछि आफ्नै नेताहरुलाई भारतीय दलाल भन्नेर व्याख्या गर्न खोजिएको छ । प्रचण्डले आज सम्म राष्ट्रहित विपरित कुनै सम्धि सम्झौता गर्नु भएको छैन तर पनि उहाँलाई भारतीय दलाल भन्दै प्रचार गरियो ।’ उनले भने,‘को सच्चा राष्ट्रवादी हो विगतका सन्धी सम्झौतामा हस्ताक्षर गर्नेहरु खोजि गर्दा स्पष्ट हुन्छ ।’

उनले प्रधानमन्त्रीले आफ्नो अनुकुल हुँदा राम्रो र प्रतिकुल हुँगा नेताहरुलाई गलत रुपले व्याख्या गरेकाले पनि पार्टी भित्र विवाद सृजना भएको दावी गरे । नेकपा भित्र ओलीले प्रधानमन्त्री र पार्टी अध्यक्ष दुवै पदबाट राजिनामा दिनुपर्ने माग उठ्दै आएको छ । प्रधानमन्त्री ओली कुनै हालतमा दुवै पद नछाड्ने अडानमा रहेका छन् ।

पार्टी भित्रको आन्तरिक विवाद समाधानका लागि सहमति कार्यम गर्न दुवै अध्यक्षलाई जिम्मा दिइएको छ । सोही कारण स्थायी कमिटीको बैठक पटक–पटक स्थगित हुँदै आएको छ । आइतबार देखि दुवै अध्यक्ष सम्बादमा जुटेका छन् । दवै अध्यक्ष बिच सम्वाद जारी रहँदा सकारात्मक संकेतहरु देखिन थालेका छन् ।