कांग्रेस अनुशासन समितिले गत स्थानीय, प्रदेश र संघीय संसदको निर्वाचनका क्रममा उम्मेदवारलाई असहयोग गरेको, वागी उम्मेदवार दिएकाे जस्ता आरोपमा गोविन्दराज जोशी, पुष्करनाथ ओझा र रामबहादुर विष्टलगायतलाई कारबाही गरेपछि पार्टीभित्र असन्तुष्टि प्रकट भएको हो ।

राष्ट्रिय प्रजातन्त्र पार्टीका सुनील थापालगायतलाई पार्टीमा भित्र्याउने प्रयास भइरहेको बेला पार्टीमा लामो समय योगदान गरेकालाई कारबाही गरेको भन्दै केन्द्रीय सदस्यहरू शेखर कोइराला र मीनेन्द्र रिजाललगायतले आपत्ति जनाएका छन् ।

‘आधारहीन र मनगढन्ते तर्क अगाडि सारेर गोविन्दराज जोशी, पुष्करनाथ ओझा र रामबहादुर विष्टलाई कांग्रेस पार्टीबाट निष्कासन गरिनु दुर्भाग्य हो,’ कोइरालाले भने, ‘उहाँहरूले पार्टी र लोकतन्त्रका पक्षमा बगाउनुभएको रगत पसिनाको अवमूल्यन गर्ने काम भएको छ ।’