काठमाडौं, ३० असार-नेपालमा कोरोना भाइरस संक्रमितको संख्या १७ हजार नाघेको छ । मंगलबारको कोभिड-१९ प्रेस ब्रिफिङका क्रममा स्वास्थ्य मन्त्रालयका प्रवक्ता डा. जागेश्वर गौतमले पछिलो २४ घण्टामा ११६ जना संक्रमित थपिएसँगै नेपालमा कुल कोरोना संक्रमितको संख्या १७ हजार ६१ पुगेको जानकारी दिए ।

उनका अनुसार नेपालमा ६ हजार ६९५ जना संक्रिय संक्रमित रहेका छन् । उनले पछिल्लो २४ घण्टामा थप ३४ जना कोरोना संक्रमणमुक्त भएर घर फर्किएको बताए । हालसम्म १० हजार ३२८ जनाले कोरोना भाइरसलाई जितेका छन् ।

देशभर सञ्चाल २५ वटा प्रयोगशालामा पछिल्लो २४ घण्टाको अवधिमा ४ हजार ३६१ जनाको परीक्षण गरिएको मन्त्रालयले जनाएको छ । क्वारेन्टाइनमा बस्नेको संख्या २४ हजार ७१६ जना रहेका छन् । त्यस्तै, ६ हजार ६९५ जना आइसोलेसनमा रहेर उपचार गराइरहेका छन् ।