विराटनगर, असार १८| फर्जि साधारणसभा, संस्थापक र साधारणसदस्यहरुको हस्ताक्षर किर्ते, आर्थिक अनियमितता, करछलीलगायतको पर्दाफास भएका विराटनगर स्थित मानव अधिकारका लागि श्रोत विकास मञ्च(रिडेफ) नेपालका अध्यक्ष उमेश विश्वकर्माका विषयमा फेरी अर्को खुलासा भएको छ ।

दलित समुदायको नाम भजाएर मुनाफारहित संस्थालाई व्यापार जस्तो बनाएर सँधै नक्कली बिल भौचर पेश गरि कतिपय कार्यक्रम नै नगरि बजेट झ्वाम पार्दै आएका विश्वकर्माले लेखा परिक्षण प्रतिवेदन पनि फर्जि बनाउने गरेको पाइएको छ।

संस्थामा अन्य पदाधिकारीहरुले व्यक्तिगत लाभको विरोध गर्दा उनीहरुलाईनै पाखा लगाउँदै बैधानिक रुपमा साधारणसभानै नगरि विधान र कानुन विपरित मनोमानि ढंगले पदाधिकारी हेरफेर गर्दै आएका विश्वकर्माले लेखा परिक्षण प्रतिवेदन पनि औपचारकताका लागि मात्र बनाउने गरेको पाइएको हो ।

संस्थाको कोषको हिसाब किताब र आय व्ययको लेखाजोखा कोषाध्यक्षको जिम्मेवारी भित्र पर्ने भएपनि अध्यक्ष विश्वकर्माले कोषाध्यक्षलाई नै ‘बाइपास’ गर्ने गरेको पाइएको हो ।

लेखा परिक्षकले तयार पारेको लेखा परिक्षण प्रतिवेदनमा अनिवार्यरुपले कोषाध्यक्षको हस्ताक्षर हुनुपर्ने भएपनि कोषाध्यक्षको हस्ताक्षर बिनै लेखा परिक्षण प्रतिवेदन बनाउने गरेको तथ्य न्युज विराटलाई फेला परेको छ ।

आफु अनुकुल र आफ्नै स्वार्थ अनुसार उस्तै प्रकृतीको संस्था शान्तिका लागि साझा अभियान (कोक्याप) मा समेत आवद्धरहेका प्रकाश परियारलाई कोषाध्यक्ष बनाएका विश्वकर्माले उनकै हस्ताक्षर विना लेखा परिक्षण प्रतिवेदन फर्जि साधारणसभा मार्फत पारित गरेका छन् ।

उक्त संस्थाको आर्थिक वर्ष २०७३/२०७४ देखिको लेखा परिक्षण प्रतिवेदनमा कोषाध्यक्षको हस्ताक्षर छैन । संस्थाकै एक सदस्यका अनुसार दलित समुदायको उत्थानका निम्ती भन्दा पनि संस्थालाई जहिल्यै कमाइखाने भाँडो बनाउँदै आएका विश्वकर्माले आफ्ना गलत कर्तुत ढाकछोप गर्न कोषाध्यक्षलाईनै बाइपास गरेका हुन् ।

लेखा परिक्षण प्रतिवेदनमा कोषाध्यक्षको हस्ताक्षर नहुनुमा अध्यक्ष विश्वकर्माको बदनियत देखिएको संस्थाका अन्य सदस्यलेनै आरोप लगाएका छन् । सामान्यतया लेखा परिक्षण प्रतिवेदनमा संस्थाका अध्यक्ष, सचिव र कोषाध्यक्षको हस्ताक्षर अनिवार्य हुनुपर्छ । त्यसमा पनि कोषाध्यक्षको हस्ताक्षर अनिवार्य जस्तै हुन्छ । तर, बिगत तीन वर्षदेखि रिडेफको लेखा परिक्षण प्रतिवेदनमा कोषाध्यक्षको हस्ताक्षर छैन ।

हेर्नुहोर्सः

त्यसो त दलित समुदायको नाम भजाएर दिन दईगुणा रात चौगुणा बनाउँदै आएका विश्वकर्माले सोही समुदायलाइनै उपेक्षा गर्ने गरेका छन् । उक्त संस्था मार्फत गरिने कार्यक्रमबाट आधारभूत तहका दलित समुदाय लाभान्वित गराउनुपर्ने भएपनी दलित समुदायमा चेतनाको स्तर विकास हुने र आफ्नो कमाउधन्दा बन्दहुने डरले अध्यक्ष विश्वकर्माले अधिकांश नातागोता र नजिकका व्यक्ति मात्र बोलाएर कार्यक्रम गर्ने गरेको विभिन्न कार्यक्रममा सहभागिको विवरणबाटसमेत पुष्टि हुन्छ ।

उनले दलित लक्षित कार्यक्रममा दलित समुदायलाईनै उपेक्षा गर्ने गरेको संस्थाका एक सदस्य बताउँछन् । श्रोतका अनुसार जिल्लामा सयौँको संख्यामा रहेका दलित अगुवा, उच्च शिक्षा हासिल गरेका दलित समुदायका व्यक्तिलाई विश्वकर्माले कुनैपनि कार्यक्रममा सहभागि गराउँदैनन्।

आधारभुत तहका दलित समुदायमा पनि पढेलेखेका र टाठाबाठा भएपनि विश्वकर्माले आफु पछि पर्ने र पर्दाफास हुने डरले सामान्ती सोच अनुरुप कहिल्यै कार्यक्रममा सहभागि नगराउने गरेका हुन् ।

‘अलिक टाठा बाठा मान्छे आउँदा सवै थाहा हुन्छ । एनजिओको खेलो फड्को चाल पाएपछि आफ्नो कामाउ धन्दा पर्दाफास हुने डरले अध्यक्ष त्यसो गर्छन् ।’ श्रोतले भन्यो,‘एउटै विषयको कार्यक्रममा सयचोटी एकै प्रकारका मान्छेहरु सहभागि गराएर कार्यक्रम गराउनु पर्ने कारण के ? अरुले जान्नु बुझ्नु पर्दैन ?’

संस्थामार्फतनै विराटनगरमा रोजिरोटि देखि घर घडेरीसमेत जोडेका विश्वकर्मा समुदायको हित भन्दा सँधै व्यक्तिगत स्वार्थमा मात्र लाग्दै आएको संस्थाकै सदस्यको आरोप छ । ‘व्यक्तिगत स्वार्थले आजसम्म जिल्लामा त्यस संस्था मार्फत उमेश विश्वकर्माबाहेक एउटाको जिवनस्तरमा परिवर्तन हुन सकेको छैन ।’ मोरङका दिलिप रजकले भने,‘फर्जि प्रतिवेदन, बिल भौचर बनाएर पेश गरेर हुन्छ ? वास्तवीक रुपमा दलित लाभान्वित हुनुपर्यो नी? उहाँबाहेक त्यो संस्थाबाट मोरङमा एउटा पनि दलितको जिवनस्तरमा परिवर्तन ल्याएको देखाउन म चुनौती दिन चाहन्छु । सँधै दलितको नाम मात्र भजाएर खाने अनि आफैलाई दलित अगुवाको बिल्ला भिराएर हिँड्ने मात्र काम भएको छ ।’

यो पनि: 

रिडेफ नेपालको दलित अभियान ‘देखाउने दाँत’ संस्था उमेश विश्वकर्माको ‘कमाईखाने भाँडो’

रिडेफ नेपालमा अध्यक्ष उमेश विश्कर्माको ‘मनोमानी’, साधारणसभाबिनै पद हेरफेर

‘नटवरलाल’ उमेश विश्वकर्माः विधानमा २ वर्ष बोर्डमा ३ वर्षे कार्यकाल

उमेश विश्वकर्माको ‘चर्तिकला’, फर्जि साधारणसभाबाट विधानसमेत संशोधन

‘नटवरलाल उमेश विश्वकर्मा’: नक्कली र फर्जि बिल भरपाई पेश, कार्यक्रम नगरि बजेट झ्वाम